---------------------------------------------------------------------------------------------------------------------------------------
------------------------------------------------------------------------------------------------------------------------
----------------------------------------------------------------------------------------------------------
ਹਾਇਕੂਕਾਰ - ਡਾ. ਹਰਦੀਪ ਕੌਰ ਸੰਧੂ
------------------------------------------------------------- ਸਿਡਨੀ (ਆਸਟ੍ਰੇਲੀਆ)
 |
| ਡਾ. ਹਰਦੀਪ ਕੌਰ ਸੰਧੂ |
* ਪੰਜਾਬ ਬੰਦ
ਸੜਕਾਂ ਨੇ ਸੁੰਨੀਆਂ
ਦਿਲ ਤੂਫਾਨੀ।
* ਬਾਂਹ 'ਚ ਚੂੜਾ
ਪੱਛਮੀ ਪਹਿਰਾਵਾ
ਪੰਜਾਬੀ ਜੋੜਾ।
* ਪੂਜਾ ਮੈਂ ਕੀਤੀ
ਅਗਰਬੱਤੀ ਰਾਖ
ਸੀ ਹੱਥ ਮੇਰੇ।
* ਹੱਟੀ 'ਤੇ ਜਾਣਾ
ਅੱਠ ਆਨੇ ਦਾ ਸੌਦਾ
ਰੂੰਗਾ ਲੈ ਖਾਣਾ।
* ਖੇਡਣ ਹਾਣੀ
ਟਿੱਬੇ ਵਾਲ਼ੇ ਖੇਤ 'ਚ
ਨੂੰਣ-ਨਿਹਾਣੀ।
* ਹਨ੍ਹੇਰੀ ਠੰਢ
ਰਾਤੀਂ ਦੇਵੇ ਪਹਿਰਾ
ਬਾਪੂ ਦੀ ਖੰਘ।
* ਅੰਬੋ ਪਕਾਵੇ
ਨਾਲ਼ੇ ਕਰੇ ਗਿਣਤੀ
ਦੋ-ਦੋ ਸਭ ਨੂੰ।
* ਛੱਡ ਸੀ ਆਈ
ਬਾਬੁਲ ਦੇ ਵਿਹੜੇ
ਬਚਪਨ ਮੈਂ।
* ਗੁੰਮ ਹੈ ਕਿਤੇ
ਕੁੱਕੜ-ਬਾਂਗ ਵਾਲ਼ਾ
ਅੱਜ ਸਵੇਰਾ।
* ਉੱਚੇ ਮਕਾਨ
ਰੇਸ਼ਮੀ ਨੇ ਪਰਦੇ
ਉਦਾਸ ਲੋਕ।
* ਬੇਬੇ ਮਗਰੋਂ
ਸੰਦੂਕ ਤੇ ਚਰਖਾ
ਖੂੰਜੇ ਨੇ ਲੱਗੇ।
(ਡਾ. ਸੰਧੂ ਖੁਦ ਹਿੰਦੀ ਹਾਇਕੂ ਵੈਬਸਾਇਟ www.hindihaiku.net ਦੇ ਸੰਪਾਦਕ ਹਨ)
------------------------------------------------------------------------------------------------------------
------------------------------------------------------------------------------------------------------------
ਹਾਇਕੂਕਾਰ - ਭੂਪਿੰਦਰ ਨਿਉਯਾਰਕ
--------------------------------------------------------
 |
| ਭੂਪਿੰਦਰ |
* ਅਰਜ਼ੀ
ਮੂੜ੍ਹ ਸ਼ਰਾਬੀ,
ਫਾਂਸੀ ਉੱਤੇ ਦਾਨ ਨੂੰ
ਭਰੇ ਅਰਜ਼ੀ।
* ਕਲੇਸ਼
ਪਿੰਡ 'ਚ ਠੇਕਾ,
ਸਰਕਾਰੀ ਮਿਹਰਾਂ
ਉੱਜੜੇ ਘਰ।
* ਵੋਟਾਂ
ਛੰਬ ਭੱਠੀਆਂ,
ਨੇਤਾ ਅੱਗ-ਬਬੂਲਾ
ਵੋਟਾਂ ਸਿਰ ਤੇ ।
* ਸਹੁੰ
ਪੇਟ 'ਚ ਕੀੜੇ,
ਹਫ਼ਤਾਵਾਰੀ ਸਹੁੰ
ਆਥਣ ਵੇਲਾ।
* ਤੰਬਾਕੂ
ਖੇਤ ਪੰਜਾਬੀ,
ਨਿੱਸਰਦਾ ਤੰਬਾਕੂ
ਸਿੰਜੇ ਭਈਆ।
* ਵੰਡ
ਚੁਟਕੀ ਮੌਜੀ,
ਹਥੇਲੀ ਤੇ ਜਰਦਾ
ਤਨ ਬਾਗ਼ ਹੈ।
* ਹਾੜ /ਸਾਉਣ ਮਹੀਨੇ ਨਾਲ ਸਬੰਧਤ ਭੂਪਿੰਦਰ ਨਿਉਯਾਰਕ ਦੇ ਕੁਝ ਹੋਰ ਹਾਇਕੂ ...
1. ਉੱਚਾ ਉੱਡਦਾ
ਬਾਰਿਸ਼ ਨੂੰ ਆਇਆ
ਬਬੀਹਾ ਬੋਲੇ
2. ਮੱਥੇ ਪਸੀਨਾ
ਮੋਢੇ ਉਪਰ ਕਹੀ
ਬਿਜਲੀ ਗੁੱਲ
3. “ਕੁਲਫ਼ੀ ਲਓ”
ਕੁਲਫ਼ੀ ਵਾਲਾ ਭਾਈ
ਜੇਬ 'ਚ ਧੇਲੀ
4. ਪਿੰਡ ਦਾ ਸੂਆ
ਸਿਖਰ ਦੁਪਹਿਰੇ
ਮਾਰਦੇ ਛਾਲਾਂ
5. ਦਾਜ ਬਣਾਵੇ
ਸਹੇਲੀਆਂ 'ਚ ਬੈਠੀ
ਬੁਣਦੀ ਪੱਖੀ
6. ਤਪੀ ਧਰਤੀ
ਆ ਪਿਆ ਲੱਛੇਦਾਰ
ਪਹਿਲਾ ਛੱਲਾ
ਆਸਮਾਨੀ ਬਿਜਲੀ
ਧਰਤੀ ਚੁੰਮੇ
8. ਭਿੱਜੀ ਜ਼ੁਲਫ
ਤਿੱਪ ਤਿੱਪ ਡਿੱਗੀਆਂ
ਇਕ ਦੋ ਬੂੰਦਾਂ
9. ਛੱਤੜੀ ਉਤੇ
ਛਿੱਟਾਂ ਦੀ ਕਿੜਕਿੜ
ਸਾਉਣ ਵਰ੍ਹੇ
10. ਚੜਦੀ ਪੀਂਘ
ਲਿਫੇ ਪਿਆ ਟਾਹਣ
ਸਾਉਣ ਵਿਚ
11. ਪੁੱਤ ਸ਼ਰਾਬੀ
ਬਾਪੂ ਵੱਟਾਂ ਚੋਪੜੇ
ਛੱਨ 'ਤੇ ਛਿੱਟਾਂ
------------------------------------------------------------------------------------------------------------
ਮੇਰੇ ਹਾਇਕੂ ਪੰਜਾਬੀ ਪਾਠਕਾਂ ਦੇ ਰੂਬਰੂ ਕਰਨ ਲਈ ਬਹੁਤ-ਬਹੁਤ ਧੰਨਵਾਦ!
ReplyDeleteਵੀਰ ਭੂਪਿੰਦਰ ਦੇ ਹਾਇਕੂ ਬਹੁਤ ਵਧੀਆ ਲੱਗੇ। ਸਾਰੇ ਹਾਇਕੂ ਸਾਡੇ ਆਲ਼ੇ-ਦੁਆਲ਼ੇ ਨਾਲ਼ ਜੁੜੇ ਹੋਏ ਹਨ।
ਆਸ ਕਰਦੀ ਹਾਂ ਕਿ ਆਉਂਦੇ ਸਮੇਂ 'ਚ ਵੀ ਹੋਰ ਹਾਇਕੂਕਾਰਾਂ ਦੇ ਹਾਇਕੂ ਪੜ੍ਹਨ ਨੂੰ ਮਿਲ਼ਦੇ ਰਹਿਣਗੇ।
ਹਰਦੀਪ
(ਸਿਡਨੀ)